Fai l'ver ma chai, ma chiéthe, auve du lèveton dé tchoeu.
Ta langue est la tchulyi tchi m'suthe lé chucre et l'myi
Tchi s'en vont radouochi chu mêlange d'amouotheu.
Gouôte-mé, chuche-mé té-même - et fai ta chucréthie.

Rouôle-mé sus chu pliat liet, et jé s'sai bein pêtri.
Jé s'sai eune gâche pouor té - riche et remplyie dé g'lée,
Fouôrrée d'baîsièrs et d'beurre, et fliattée auve tes frits,
Coutchie s'lon eune èrchette d'amouotheuse et d'aimé.

Geraint Jennings
Juilet 2001