Mallé n'entends-tu pon chut horrible frédas,
Va donc vite ma hardelle, vés qu'est qua trébuqui?
Ah, ches chutte mauditte catte, qui, pour happé des rats,
A fait qu'est la terrinne et un pliat qu'est d'pichi;
D'esfré, oul à sautai dans la cuue-ais de lie d'cidre,
Et pis de là dans le cuet, oul en s'ra bentot ivre!
Dans qui picle qu' oul est, oul est à maintiy niais,
Et pie le tchian qui ouasse et l'y donne la poussais,
Et pie la poule qui chante dans l'viquet du soliy,
Et l'couchon qui estreuille sen bouquet; ah qui bri.
Mallé, enpoigne la bringe, et l'y donne une raide suais,
Et ramasse la tunnette souos tes pie estravlais;
Vez, si j'peux l'atrapé, car oul est sous la veille
Ben nichie, de ma vie, j'nen ai veu une pareille.
Hé ben, Mallé, laisse la, ourfra ac-couo quic dro,
Ouvre l'y luue quou s'nalle, oul n'a desja fait tro.

N. B.