L'lend'main d'Noué 1909
|
Man chièr J.P. Merci d'tés souhaits, Tu'es sincéthe, J.P. Mais...! Tu m'souhaitais santè, Bonheur, prospéthitè, Mais...! Au bouan fricot d'Noué, J'ai bein fait man d'vé, Mais...! J'eus raidde appétit, Pour viande et pour fruit, Mais...! Quand ch'est du paisson, J'ai bouanne digestion, Mais...! Le boeu' et l'poddin Suividrent le même qu'min, Mais...! Man verre fut rempl'yi A m'suthe qu'i' viédd'ghi, Mais...! Je n'mé gêni pon, D'pl'yumme, encre ou crayon, Mais...! Quand j'vé des niers cats Dé jour, j'né l's'aime pas, Mais...! Enfin, mé r'véchin Malgré boeu' et poddin, MAIS...! Elie |
Viyiz étout: