Les Pages Jèrriaises

À chu Nouvel An qué j'n'éthais pon veu

À chu Nouvel An qué j'n'éthais pon veu,
j'vai des feurs et des couleurs tch'y touôngnolent.
Châque fliaûmé fiôle, êvopilyi ès cieux.
La leumiéthe en rit, la nièrcheu niole,

la bollée d'niet dêgôle, les êtailes tchaient,
la leune craûlante né nouos bèrchétha d'aut'.
Les fliambes d'argent et l's êcliaques d'or qué j'vai
ont 'té fondues dans mes rêves comme jé haûte.

Rêvil'ye-mé, ma douoche, mais pon trop heûthi.
J'ai parcouothi les cliôsées d'nièr par monts,
par vaux, souotre chutte veue tch'éthait êcliaithi
chu Nouvel An qu'ensembl'ye achteu j'viyons.

Geraint Jennings
 

Viyiz étout:

 

Les Pages Jèrriaises