|
Au R'nouvé tout est bé, à chein qu'nou dit: j'ouïyons les ouaîsieaux chanter dans les bouais; j'nos pronm'nons avaû nos fôssés flieuthis; et toute la natuthe s'rêvil'ye atout jouaie. J'atchilyons l'Èrnouvé, un chant au tchoeu; ch'est la pathade ès pâqu'tholes par les ruettes; des compangnies d'l'ambrais sont à la r'veue, et j'saluons les régînments dé g'zettes. Véthe, tout r'est changi, mais ch'est raîque eune trique: nou cache des vaituthes pouor vaie la vèrduthe; les côtis sont attîntés en pliastique; acouo des clios couvèrts d'architectuthe. Tout tchait, hélas! Nou peut bein l'èrnouv'ler; mais l'nouvé n'est pon tréjous l'Èrnouvé. Geraint Jennings |
Viyiz étout: