Les Pages Jèrriaises

Le R'nouvé

 

Es Fermiers

V'là le r'nouvé qui veint m's'amins, chutte fais,
L'z'êpines sé couvrent d'fielles sus les fossés,
Les patates sont grapinèes
Et les heuthives sont houettées
Mais mêfious d'la rousèe!

Es Hardelles

Pis qu'i fait bé, nou tchitte vite ses abris
Hélas bouannes gens! que nou z'a p'tit d'avis
Filles! ov vos robes de mousseline
De tulle, ou bain d'crèpe de Chine
Méfious don d'la rousèe!

A Tous

D'vant la Saint-Jean yétha bein des mouochets
Faits servi par des gens enchiffrenès...
Tu peux craithe que l'temps est bé
Mais n'tchitte pon à t'abriyé.
Mêfie-té d'l'a rousèe!

 

Flip
1907

 

Viyiz étout:

 

Les Pages Jèrriaises