Les Pages Jèrriaises

LE R'NOUVE.

clyiquez pouor ouï les mots L'Ernouvé


N'y a pon dans tout l'monde entchi
Un bieau pays coumme Jèrri
S'ou voulez vaie sa bieauté,
V'nez don ichîn au r'nouvé.

Les flieurs sauvages dans nos prés,
L'long des routes sus les fossés,
Lé jonc, lé g'nêt jaune coumme dé l'or.
Tchi l'air embaume si ch'est qu'nou sort.

Tch'il y fait bé au bieau solé,
Sustout s'nou s'trouve au bord d'la mé,
Partout la natuthe nos souorit
Et l'doux vent d'ouest nos rafraîchit.

Touos les ouaisieaux dé bouôn matîn
Chantent lus cantique dans not' gardîn
I' r'mèrcient Dieu lus Crêateur,
Dé lus donner autant d'bonheur.

Partout ichîn dans not' Jèrri
Jé sommes vraînment au Paradis :
Pour aver paix, trantchillité
Ch'est ichîn tchi faut d'meuther.

F.M.H.

 

Viyiz étout:

 

Les Pages Jèrriaises