|
J'sis Chan - bein bâti - m'nant un' vie rodeuse, Qui n'est pas mal, grâce à ma forche, heureuse; Butin iou i'a Qui, j'crai, me va Je gob' des Chans qu'ont peux des dents que j'ai. La paouque au pus fort, - v'lo m'n idée, à mé. - Vive la Forche! J'sis Prêtre, - et n'permets pas que n'ou m'oppose. J'm'appell' Pape ou Calvin - chest bein même' chose. - N'ou n'veut pas s'taire?... O... j'sais qui faire!... Je m'prévaut de mon droit, - chein du pus fort; Marche, entêté, - au Bûchi, à la Mort! Vive la Forche! J'sis Chef d'Etat, - Pièssant, - et Militaire; Je veux rondi, "rectifier," ma frontière; J'ai pour vaisin Un buon amin, - Mais dam! faut-bein qui m'cèd' c'que j'veux avé, - Li faibl' - mé fort! - ch'nest pas à dischuté... Vive la Forche! J'sis Loup. Je sais bein haïr - coumm' mon frère L'anima a deux pis, l'Homm'. Je veux faire Comme i' fait, li, Voulant s'vengi. L'aimant ou non je n'irai pas suotr' Lion; Mais, - m'fair' "Justic'" d'un Agnié, - pourqui pon? Vive la Forche! J'sis Juif. Ma giberne est remplie d'valeurs, - Et té, p'tit buonhomme ès chinq sous, tu veurs Me nière? O vite Et bein, j'tébrite!... Que faibl' - qui tente à t'né tête à fort - aille Pouôr' bête à pain! tout-d'suite à la muraille! Vive la Forche! J'sis Sire. Et parmi val'taill' chest quiqu' chose. Coumm' j'dis n'ou fait, n'ou liq'. Que manant ose Céans, m'croisi! C's'rait gare à li! - Coumment? Faibl' devant fort en égal s't'né? Ah! par m'n ép'ron! ché s'rait de quai nouvé! Vive la Forche! J'sis Fort. Si j'veux, en'min je peux fair' baire Jusqu'à la lie la coup' de la minsère. - Vrai! s'sentir maître Vaut la pein' d'Etre!... O Forch'! Reine et Déss'! Je crais en Té Si en rein d'autr'! Car Forch' veur dir' Pouvé! VIVE LA FORCHE! L. Sept. '68 |
Viyiz étout: