Pour les ragouts n'ou la presque pour rein;
Chest a dithe quand n'ou s'y prend eun mio bein,
Car quand n'ou zen acate eun bouan grand gigot,
Y vos donne des miots quand il en ont de trop.

Le temps passait fallait péyi chi, bein chi,
Quand n'ou zayait lard, beu ou mouton pour roti;
Mais acheteu les pouore gens peuvent en mangi,
Pour satisfaithe lus gouts et lus appetit.

Chest eunne chose que n'ou n'avait jamais veu
Du lard, du mouton, du viauex et du beu
Vendu a des prix si bas, cazi trop bas,
Vraiment! vraiment n'ou n'en r'vein pas.

Mais les pouores fermiers ne crie pas bein heauex
Car tcheque qui vont faithe (respé) de lus p'tits animeaux
Y ne pouorons pas les vendre a personne en Jerri,
Y sont obligie de les envié hors pays.

Y faoudra qui molisse le prix eun mio.
Car y viendrais a en avé biau coup trop;
Et pis comment! comment les engraissi,
Atcheut qui n'ont pas de bouan lait caïlyit.

Ne v'la qui ne fait pas rithe les p'tits fermiers,
Et oucouo meins les pouore p'tits bouochiers:
Mais les pouores gens sont diversement contents,
Car y peuve mangi d'la viande de toute lus dents.

Et pis n'ou peut se fié que tout est bein frais,
Car y yien vein toute les s'maines pus d'unne fais:
Et pis'n'ou l'etha beintots sies se apportaits
Par les "Moto-Cars" qui sont deja arrivais.

Ch'nest pas comme eun negre eunne fais,
Qu'acati eun paison qui criait bein frais,
Et en l'ergardant; le negre ly dis:
"Mackrel! What's the last news from sea?"
"Me don know" se fis le paison,
"Not been there for three weeks";
Ch'nest pas de même de la viande.
Car ou'l est bein fraiche.
 

Livonia