Les Pages Jèrriaises

Vendrédi B'nêt

J'ai tchèrpenté atout du bouais, des clious, du fi:
eune crouaix qué j'portéthai avaû chu Vendrédi,
et si ch'est qu'Pâques veindra, qué jé n's'sai d'aut' ichîn,
jé s'sai souôl'vé dèrché; man suffat s'sa dêmîns.

J'ai tchèrpenté atout du fi, du bouais, des clious:
eune crouaix sus tchi qué j'sis clioué coumme sus du v'lous.
J'sis charloté à mort dans l'confort tchi m'a r'tîns;
j'y'dorméthai tréjous, et dans l'monde tch'est pouor v'nîn.

J'ai tchèrpenté atout des clious, du fi, du bouais:
eune êtendpèrque dé d'si, eune tchaîthe dé iou qué j'brai,
"I' n'savent pon chein qu'i' font." J'ai bûsotchi un brîn
sus ch't arb' à faillie fouai, chutte crouaix dé m'n êvrédîn.

Geraint Jennings

Vèrrinne à Saint Hélyi
 

Viyiz étout:

 

Les Pages Jèrriaises