Jé veurs vouos r'mèrcier bein des fais
Pour ches vèrsets si bein grées;
J'sis hardi surprînse dé chu Connêtabl'ye
Car j'lé comptais pus respectabl'ye!
Mais pour êt' à vouos faithe accraithe
Des choses comme ch'la - ah, tchille affaithe!
I' méthite bein d'en pèrdre lé jeu -
Tch'est 'qu' ous en criyiz, vous, Moussieu?
Tchi farce à jouer à un anmîn -
Nou n'lé f'thait pon à un ennemîn;
Et p't-êt' acouo qué ch'est bein vrai
Qué lé fromage lî f'thait d'ité?
Les nouvelles sont qu' ous êtes "au pliâtre"
À reunminner au coin d'vot' âtre,
Souffrant d'eune sorte dé rouogeule
Ou dé tchiqu' aut' saleté d'vétheule.
Eh bein, Moussieu, est-che qué ch' n'est pon? -
J' m'en vais vouos l'dithe, j'vouos d'mande pardon
La cause du malheu est, j'vouos gage,
La gourmandise dé chu fronmage!
Enfîn, j'ai ieu grand r'gret pouor vous;
Ou saithez bein qué par siez nous
Il vouos font part dé sympathies;
Mais, r'êprouvez-y, j'vos en prie!
N'en v'la p't-êt' assez pouor à ch't heu -
Bein seux qu' ous éthez d'tchi miyeu
Pouor vos r'mèrcier; mais, ou savez,
Jé n'aie qu'eune faillie poète en Jèrriais!
Mde. K Le M.
|
