|
La Grande Brétangne, quand l'Ciel prêchit, s'mâtit au mitan des blius fliots; chennechîn fut la charte du pays et l's anges gardgiens chantîtent ches mots: Hèque Britannia, sus tout tén ochéan! Nou n'pilvâqu'tha janmais, janmais tes îlemans. Des nâtions mains heutheuses qué té s'sont pilvâtchies, châtcheune à tou, envieuses dé ta grande libèrté, înspithées par t'n ordgi tréjous. Hèque Britannia, sus tout tén ochéan! Nou n'pilvâqu'tha janmais, janmais tes îlemans. Et à châque co, tu t'èrmât'tas, t'èrlâtchant d'enhalaûdes et chaînes; et l'ôrage tchi m'niche èrpliant'ta pus avant les réchinnes d'tan tchêne. Hèque Britannia, sus tout tén ochéan! Nou n'pilvâqu'tha janmais, janmais tes îlemans. Des rouais horsains té m'nichent en vain; les cheins tchi chèrchent à t'couôrre à bas ont, au run d'prix, raîque des pargeins: pouor té - l'êtchête, pouor ieux - l'èrtas. Hèque Britannia, sus tout tén ochéan! Nou n'pilvâqu'tha janmais, janmais tes îlemans. Tu'es couronnée à la campangne, enrichie en Ville d'tan dêm'nîn; la grande mathée d'la Grande Brétangne t'apporte les richesses sus l'èrsîn. Hèque Britannia, sus tout tén ochéan! Nou n'pilvâqu'tha janmais, janmais tes îlemans. Les Muses y dans'sont à banon d'un pas grâcieux, libre et ligi acanté tes peupl'yes sus l'sablion, les belles et bieaux ès tchoeurs rêjouis. Hèque Britannia, sus tout tén ochéan! Nou n'pilvâqu'tha janmais, janmais tes îlemans. |
Viyiz étout: