Les Pages Jèrriaises

Man p'tit tchan

 

un tchian
Ch'est un tchian
clyiquez pouor ouï les mots

 

Ch'tat m'n'onclye d'Améthique qui m' l'apportit,
Y'a eun p'tit d'temps pour me faith pliaisi;
I' tait endormi dans eun biau panyi
Et l'tout du co il avait eun collyi.

Il est nièr et blian, ét doux comm du v'lous
Et quand j'lis pâsle, i chacque dé la coue,
Si j'lé prends dans mes bras i'm fait la fête,
Et m'lique la fache, les ouothelles et la tête.

Pour deux trais mais j'avons 'té heutheux
Mais hier au sé y s'avint malheur,
Dans la bouonne chambre i' trouvit eun titheux
Ouvert sus l'tapis auve des papièrs dé valeur.

I' triyit des contrats et d's'obligâtions,
Et même les livres pour nos râtions
Memée a dit qu'ch'est eune abominâtion.
I n'ermettra l'pid dans la maison.

I' pâslent dé l'envyier sièz Miss Wilson,
Pour l'endormi auve de la pouaison;
Jé m'en vais, j'vos asseuthe, lus montrer
Qué man tchan et mé i'n peuvent s'pather.

Je l'tcheins dans mes bras et bein du j'l'étreins,
Je crai qui dèvent li donner eune autre chance au mains
Si l'titheux avait té à sa pièche et freunmé
Tout chut malheur n'essait pon arrivé.

J'e'en lus permettrait sièz Miss Wilson dé l'envyier,
Car j'aime man tchan et pour li j'mouorrai;
Si ch'est qui l'ont idée de'm garder
I' faudra don lé tchan pardonner.

 

Viyiz étout:

 

Les Pages Jèrriaises