Tout près de la Ferme à Gros Pierre,
Demeure la fille à Jean Picquet,
Pour elle j'ai l'coeur pris d'une manière,
J'en suis des fais tout suffoqué.
Quand elle approche j'me trouble,
Quand j'la vé, j'la vé double,
Et pis j'me sens alors des frissons partout l'corps.
J'aime chutte jeunesse à ne pas l'craithe.
Mais pour mé le pièthe de l'histouaithe,
Ch'est qu'la p'tite s'moque de mes aveux
Quand j'vais pour l'y paindre mes feux.
REFRAIN :
Amour, toi qui est si tendre
Et qui sait tout charmer,
Qui, qui faut-i' l'y faire prendre
Afin de m'en faire aimer.
J'me sis servi pour l'y compyaithe
De touos les moyens qu'les garçons
Ercherchent quand i' veulent pyaithe
Es jannes filles des envithons.
J'ai, l'Lundi à la danse
Fait sauter à outrance.
J'ai payi des bonbons, du vin, des mirlitons.
J'lai combyiée de verres d'anizeete,
Enfin, j'lai minse bein tight,
Avec ch'qui s'trouve de pus fort en goût,
Eh bein! ch'la n'y fait rein du tout.
REFRAIN :
Amour, toi qui est si tendre
Et qui sait tout charmer,
Qui, qui faut-i' l'y faire prendre
Afin de m'en faire aimer.
N'allez pas craithe que celle que j'adore,
Paraisse gentille à touos les yeux,
Mon Dieu, nan, j'dithai pus encore,
Nou dit qu'oulle a l'visage âffreux.
Nou dit qu'la pouore petite louche
Quand ou' regarde sa bouche
Qu's'en nez est empoulé, et san visage grêlé,
Nou dit tout ch'la, mais mé je l'aime,
D'san côté, s'il n'en est pas d'même,
Ch'est que l'on dit d'san portrait,
Mé, j'ly ressemble trait pour trait.
REFRAIN :
Amour, toi qui est si tendre
Et qui sait tout charmer,
Qui, qui faut-i' l'y faire prendre
Afin de m'en faire aimer.
|
