Les Pages Jèrriaises

Lé pain

 

lé pain

 

Nou prépathe lé lèveton auve du chucre et dé l'ieau tchiède. Nou met la flieu dans eune bolle auve du sé et pis nou c'menche à pêtri la pâte. Pis nou la laîsse l'ver duthant trais à quat' heuthes.

 

l'fou

caûffer l'fou

 

Duthant chu temps i' faut caûffer l'fou. Temps pâssé, les gens faisaient sèrvi lé geon pouor caûffer l'fou mais achteu y'a des fours êlectriques dans les tchuîsinnes.

 

coper les fielles dé chour

 

I' faut coper les fielles dé chour étout. Eune grande fielle nouos donne deux pièches pouor couvri lé pain. I' faut coper la grande veine et pis trînmer les deux maintchièrs d'la fielle. Nou met des fielles copées sus eune plianche et l's aut's d'à côté.

 

lé pain

nou fait les pains et les met sus eune fielle dé chour sus la plianche

 

Quand la pâte s'est l'vée, nou fait les pains et les met sus eune fielle dé chour sus la plianche. Nou couvre lé pain auve eune aut' pièche dé fielles.

 

lé pain

Nou met les pains dans l'fou

 

Nou met les pains dans l'fou auve eune pelle et les laîsse tchuithe.

 

lé pain

Né v'là des bouôns pains Jèrriais!

 

 

Viyiz étout:

 

Les Pages Jèrriaises