Bonjour ch'est Oscar Chavi chi vos amen la lettre Jerriaise anniet. A la fin de ma derniethe lettre j'avais dit que si jethai la chance, voudre vos dithe un mio pus entour notre visite a la Nouvelle Zealand.
Apres avait visité Wellington y'fallait prendre le baté pour croisie a l'ile du sud travers le “Cook Strait” un viage de tres heuthes. Y'tchaiet la pi a versé et le vent souffliet, heûtheusement y'avait q'une hauthe en pliein mé; parcque y faut une heuthe avant d'y arriver en sortant Wellington et une heuthe pour apprechi Picton de l'autre bu.
Le lendemain le solé èrlithe et tout était calme et nos v'la en route pour “Hackoura” chi veu dithe “Mangi d'la crabe a co” en maori. J'avons prins l'opporteunite de faithe une visite en baté pour vais des baleines, pas liain de la côte. J'avons te bin chanceux, j'on avons veveut chinque, normalment on peut que vais q'une ou deux et tchiquefais pas du tout. Les baleines veinnent d'un profondeu pour respithé su l'haut d'la mé. Y prennent des grandes haleines d'air, apres avait viedgie lus pommons traver lu bouffeux envoyant des grands plieunmasse d'eau en l'air. Mais chi enormes bêtes ch'etaient des “Sperm Whales”. Oui cht'aime vraiment chanceux. Mais y'avait aucquo des surprînses, preunmiéthement, j'apercheviem un ouaisé assi su la mé ch'etait une albatross, tu pale d'un beau grand ouaise, mais aquo mus oulle a etendu ses ailes et on la veut voler élégantment hors de vu. La prochain chose y'avons apercu a coté du baté une demi douzaine de dauphîns ch'etait une vrai pliaisi de vais ches magnifique criatuthes de si pret. Su les rotchiers pu pret d'la coté j'vimes des loups-mathins, tout en tout s'était une visite exceptionel.
Le lendemain-au-matin y'avons croisie d'un coté a l'autre en train qui s'appele le “Franz Josef Trans Alpine Railway” parce qui traverce les montagnes suivant les vallees au bord des riviethes et lacs et en passant travers des tunnels ichin et la, tchi beauté on avait peux de clyinnter en cas qu'on aithe manchi chichose. Chutte niet la restieme dans une pêtite pieche qui s'appele “Franz Josef” et j'visitime le glacier du meme nom, une vraie riviethe de glace tche si grand que les gens pathaisait comme des freunmions d'ssus.
Une autre pieche qui reste dans les idees est “Queenstown” située au bu d'un joli blieu lac appelé “Wakatipu” qui veu dithe en Maori “Ou'est le demon s'chouch” et y'a un légende qui parle d'un demon dans la forme d'un giant qu'a volet une maori princesse et la amené ichin. Ses êfforchis la fait lâsser et y'se endormi. L'amoutheux de la princesse et venu trantchilyement et a alleunmet le liet de feûgiéthe du demon. En mouthant le demon a brulet un grand creux de la terre dans la forme d'un S, qu'a remplit eau de la né fondue des montagnes et a crethe le lac.
Su'l lac y'a un baté a suage chi brule du tchèrbon et a était rabatti somme neu. “La Ernshaw”. Le sé j'avons monter a bord “Le Ernshaw” pour aller prendre un repas a l'autre bu du lac.
Y'faisait niet par le temp que s'taîmes pret a èrvéni, le baté te tout illuminé et y'avait des veues partout et la ville était comme un pays a fées. A bord du baté y'avait un piano et une dame qui jouer touos les vielles chansons qui sont bin connues et touos les gens se sont min a chanter. Une raide bonne séthee. J'éspethe que vous étés pas enniers de me huit parlet de la Nouvelle Zealand et que vous avait y'eu autemps plaisi a m'ecoute que y'ai eu a vous raconte de notre visit a chutte interessant pays.
A bêtot et merci pour m'avait ecouter.
Liu par Oscar J'valyi sus BBC Radio Jèrri en 2003 (L'êcrithuthe est phonétique pouor la prononciâtion, et n'a pon 'té fait pouor publyicâtion s'lon les conventions du Dictionnaithe)
Viyiz étout: