Mais comme yia bein des temps dans la vie
Et que ou quemanchait a avé les cheveux gris.
Eun jour ou rancontrit eun Mousieu qui lis dis:
"Well Miss if you decide to marry, will you have me."

Y lis donni doeux jours pour y'r pensé et s'désidé;
Mais quand y la r'vi ou ne lis dis pas nannin,
Dans p'tit temps y fudrent engagie et mathies,
Et comme ou disait; t'chet la sa destinais.

Mais tchet eun homme portait pour le travas,
Et la pouore garce qui ne s'y r'connaissait pas;
Ou'l eut bein des epreuves, et bein du tripot,
On fis souvent des mêprinses quand au fricot.

Eun jour ou s'êmensipi de faithe des merveilles,
Mais jamais dans votre vie n'en avais veu de pareilles:
Y tais grande comme les barres d'eun moyen grais,
Avec eunne livre et demie de fieu, ou'l en fis trais.

Mais quand ou vi que ou perdait au resulta,
Ou ne les r'fis jamais de chute grandeur la,
Ou les a faites depis si p'tit et si etraite,
Que nou peut les prendre pour de p'tit galette.

Mais ou n'est jamais fort gêneais ou désrangie,
Ches prennais si ou vouleais ou bein laissie;
Si y sont laiessie y duthons bein pus longtemps;
N'ia pas conme ou dit d'être tréjous contents.

Enfin, après avé bein des fais fait et eprouvet,
Ou'l est parvenue a faithe de raide bouan patet;
Et pis, Oh! sa soupe, ou'l a le gout dervazi,
Car ou l'y met gentiment d'oignon et de perci.

Ou dit que y n'est jamais trop tard de bein faithe,
Si n'ou fait de sen mus pour le bein et satisfaithe:
Ou dit que ches la fein qui couronne l'oeuvre,
Et que ou sermarithait - si eun jour ou tait veuve.

A forche de forgi, nou devein forgeron,
A forche de faithe du mauvais, a la fein nou'l fait bon,
A forche de faithe grand, a la fein nou'l fait p'tit;
Ches comme nou veux prendre ou bein laissi.

Y faout sacouotumé a tout.