|
Hitleur est un sale quétot - I' méthite eune raide talmouse, Deux'trais co-d'poings dans l'ventre, Deux'trais co-d'poings dans l'ventre, Un bouôn co-d'pid au driéthe! Un bouôn co-d'pid au driéthe!
Nou-s-a ouï tch'il est mouothant,
Mais, dévant tch'i' paque ses tailes
J'lî hal'lais touos ses ortés,
J'lî plieunm'thais les g'veux étout,
Où'est-tch'il est, don, ch't êpeûthas?
Et quand i' l'éthont happé,
Hitleur n'est rein qu'eune trouême
Un "Tout-en-travèrs"
|
(Ches deux'trais vèrsets fûdrent êcrits dans les mil neuf chent quarante-quatre et, pa'ce qué ch'tait bein dangereux et eune affaithe dé ristchi sa vie dé composer d'tchi d'même, l'Île étant otchupée par les Allemands et châtchun étant en crainte continnuelle d'êt' gaffé et emporté dans un "camp d'concentration" s'il 'tait r'bêle ou s'i' n'tchithiait pon drait, la copie d'originne fut entèrrée dans un côffret, atout d'aut's choses étout, jusqu'à la fîn d'la dgèrre. Né v'là tch'i' y'a bein d's ans d'chenna et, ouaithe qué ch' né s'sait pon rein d'bein êminnent ni r'mèrquabl'ye comme poésie, v'là tchi donne eune bouonne idée, ofûche, dé la haine et du dêgoût qu' nou portait envèrs chu pend'loque înhumain, Hitler, tchi fut responsabl'ye pouor et coupabl'ye dé tant d'mînséthe en Ûrope et ailleurs. Note d' FLM)
Viyiz étout: