Eune annonche pouor eune exhibition en 1976
Edmond Bliampid fut né lé 30 dé Mar 1886 en Jèrri. En 1903 i' s'en fut à Londres pouor êtudier à la Lambeth Art School. Sa preunmié exhibition fut à Londres en 1913.
I' fit un tas d'illustrâtions pouor des livres, et il est bein connu pouor ses portraits d'la vie d'campangne en Jèrri auve lus caractéthes typiquement Jèrriais.
Duthant l'Otchupâtion d'Jèrri i' fit des designs pouor des billes, viyant qu'nou mantchait d'sou. Les billes fûtent înmprînmées en Paris en 1942.
Chein qu'les Allémands n'avaient pon r'mèrtchi 'tait qu'Edmond Bliampid avait muchi les lettres "GR" - ch'est à dithe lé symbole du Rouai George - dans les dêcorâtions sus les billes.
I' fit des tîmbres étout.
I' pâlaient et appréciait l'Jèrriais et êcrivait des poésies et arrînmées en Jèrriais souos l'nom-d'plieunme "Un Tout-à-travèrs".
Un portrait d'l'exhibition en 1976: au mitan nou vait Madanme Bliampid.
Eune annonche pouor eune exhibition en 1976
Viyiz étout: