es'sont pouor mé dé l'artill'lie,
lanch'chont eune pathole vèrs la leune.
Eune êtaile - châque pensée qu'tu dis
près dé m'n ouothelle. Pâlons d'la breune;

di-mé tes néthes patholes d'la niet.
Y'étha du vèrt, du rouoge, d'l'argent.
Donne-mé tan feu et alleunme-mé,
saque-mé - jé m'en îthai amont

vèrs ches leunmiéthes, vèrs les plianètes.
J'expliôs'sai dans d'la caude feunmée,
emporté liain par la brîsette,
haut dans les blius cieux dgiamantés.

La rouoge bâsse leunmiéthe dé tes mains
mé caûff'tha coumme les feurs dé jouaie.
Ichîn j'sis caud - j'séthai êteint:
tu m'soûffliéthas atout ta vouaix.

Geraint Jennings
6/11/1999