|
Les folles-mauves freûlent les falaises dé l'èrplyique; ès alanchies les cormouothans critiquent; les picouais partout les commentaithes piquent. Les martchieaux amarquent châque èrmèrque d'eune ièrre; les êteurcélets êtiboquent en l'air; les paons lus pathannent, pôsêment apèrts. Les tchitte-tes-clius vliquent auve lus langues d'aspi; les vèrmîngnons voudraient vraînment didgi; les daûtchets trouvent à r'dithe et ont tout r'dit. En nièr et blianc les pies lus entr'-hèrtchîngnent; les jaloux jaûnouais sont jutchis en lîngne, et les dgillemots, tch'est qu'il' ont dans la dgîngne?
|
Viyiz étout: