Quand j'entends un riche gueux
S'vanter de sa grand' richësse,
Je ri d'un 'të orgilleux,
Me moquant d'sa petitësse,
Et je m'dit qu'i fait souvent
D'une môque un êléphant.

Quand je vei un haut-bottë
Par trop bouon pour erconnaître
Un pouor' malheureux crottë
Qui n'fait rein li pour paraître,
Je m'dit qui fait, l'inouorent,
D'une môque un êléphant.

Quand j'vei les uns s'êffriter
De maux à peine arrivës,
S'lamenter et s'agiter
Coum' des pouores tormentës,
Je di qu'i font follement
D'une môque un êléphant.

Quand je vei un pouore avé,
Pour saufgarder l'àpparence,
Faire pus gros qu'i n'devrait,
Se donnant dé l'importance,
Je di qu'i faït, l'pouor' mégian,
D'une môque un êléphant.

Quand j'vei iun qui n'est qu'un sot
Se vanter de sa nobllëche,
I'un s'tempêtant comme un fo
Pour n'aveir q'une gofaïche,
Je m'di qu'i font tranquill'ment
D'une môque un êléphant.

Cheux qui font êcalifias
De p'tit d'chose ou bein de rein,
Touos les cheins qui font grand cas
De ieux-même et de leux bein,
Je m'di font certainement
D'une môque un êléphant.