Trais mouaines lus en fûdrent lus cârrer du monde.
I' lus en fûdrent dans lé d'sèrt à seule fîn d'lus èrpenti d'lus péchés l'avant au Bouôn Dgieu.
I' n'lus entrépâlîtent pon entré-chîn un an.
À l'adgèvement d'l'an, iun dg'ieux s'fit, "J'sommes-t-i' bein!"
Et né v'là acouo eune année tchi s'pâssit d'même.
"Véthe, qué j'sommes," qué l'préchain dit.
Et n'èrv'là-t-i' pon acouo eune année tchi s'pâssit d'même.
"Fouai d'man fro," qu'i' s'fit l'traîsième, "s'ou n'mé portez d'aut' èrpos, touos les deux, j'm'en vais vos laîssi ès êcouettes ichîn dans chu d'sèrt-chîn!"
Viyiz étout: