|
J'sis mal-heutheuse et pus qu'enny'ée! Bieau qué j'n'y pathaîs peut-être pas. Et cha qui fait l'affaithe si mal, Ch'est tout d'la faute à mes pathents! Jé n'dév'thais p't-être pas dithe d'ité, Mais auprès tout, ch'est la véthité! J'sis dêgouôtée! Ch'la m'fait mârri D'être ramâssée coumme eune pétchotte, C'mandée tréjous d'un bord et d'l'autre! J'pense tchiquefais qu'P'pée et M'mée erdottent! Nou dithai qu'j'n'éthais pas bouan sens, Qué faut être souôtre mé tout l'temps. I' faut ouï M'mée, man doue d'la vie Quand j'vais en ville ou mé proum'ner! Ch'est fait chennechîn et fait chenna, Sai tu tan c'min, ergarde à té, Soigne bein tréjous d'n'èrtèrgi pas! J'en ai des instructions, hélas! Faut t-i' qué j'sais offuche pus vielle? Ou bein qué j'craîsse accouo tchiques pouces? Dévant qu'i' c'menchent à vaie, jé n'sai, Qué jé n'sis pus d'autre eune p'tite mousse. N'criy'ous pon qué j'sis grande assez? Mé v'la bétot haute coumme Pépée! A.L.P. |
Viyiz étout: