Jé sis à jouer au bord de la mé
Et des navithes je vai paser,
Qui s'en vont jusqu'en Angliéterre
Chèrgis d'tomates et d'pommes de terre.
Je voudrais pouver navidgi
Pour visiter un grand pays,
Mais pepée dit qu'des mousses comm mé
De tchèque il' ont dèvent lus contenter.
Quand j'es'sai grand j'ithai én Australie,
Garder des mille et des mille brebis;
Et quand ma fortune j'éthai fait
Ch'est en Jérri que j'erveindrai.
J'accattai eun biau grand manyi
Auve eun tas d'bouais et eun grand vivi;
J'éthai eune carosse et deux biaux g'hvaux
Pour allér m'promener quand i faut.
Si j'sis êlu coum Sénateûx
J ef'thai d'man mus, je sis bein seû,
Pour préservér not' vièr patouais
Et en Jerriais passer les louais.
| 