Homme èrmèrquabl'ye, natif dé St. Ou.
N'importe tchi qu' nou li d'mande n'y'a rein tch'i' n'sait pon ;
Qué ch'sait bulletin, vocabulaithe ou grand dictionnaithe,
I' s y met, achéthinné - il en a prins la manniéthe.
Campangnard, auteur et hardi libre d'esprit,
Jèrriais, Angliais, Français - ch'est toute la même chose pour li.
Passionné pour les mots, il est amouotheux des flieurs,
Il en porte tréjous ieune pas bein liain dé san tchoeu(r).
Quarante ans d'travas - lé v'là nommé Docteu,
Membre d'Académies, étout Membre d'Honneu.
Quand j'mouôrrons jé s'sons vite oubliés, la pliûpart dé nous,
Mais san travas, en Jèrri et ailleurs, vivra pour tréjous.
Saluons not' rédacteu, lexicographe et savant,
Lé pus grand connaîsseux du Jèrriais dé tout temps!
Qui' continnue ses r'chèrches, et sus papi tout mettre,
Car ch'est ocouo mus fait quand nou-s-est Docteu-ès-Lettres.
|
