La Section de la langue Jèrriaise de la Société Jersiaise a l'pliaîsi d'annoncer l'ajouôtage d'la 400ième page en Jèrriais ès Pages Jèrriaises sus l'Înternet.
Les Pages Jèrriaises donnent eune idée d'not' vielle langue au monde entchi et les cheins tchi s'intérêssent dans l'Jèrriais peuvent acht'heu trouver eune masse dé textes dans la langue d'Jèrri: y'a des textes, d's articl'yes, des ditons, des poèmes, des biographies d'auteurs en langue Jèrriaise, des listes d'vocabulaithe auve traduction Angliaiche pouor les cheins tchi veulent apprendre un mio d'Jèrriais, et y'étha étout probabliément eune surprînse pouor les cheins tchi criyaient qu'i' n'y a rein êcrit en Jèrriais!
La 400ième page ajouôtée est un liste d'vocabulaithe entouor les compiuteurs, v'là tchi montre qu'lé Jèrriais est capabl'ye dé s'adapter au monde "brantchi" du vîngtch'ieunième siècl'ye tchi veint.
Oùest-qu'nou peut lièthe les Pages Jèrriaises?
I' faut laîssi couôrre vot' souothis siez http://members.societe-jersiaise.org/geraint/jerriais.html
Annonce d'prêsse du 26 Mai 1998
Viyiz étout: