Lé Jèrriais

TTD - Tchestchions tréjous d'mandées - FAQ

Lé Jèrriais? Tch'est qu'ch'est? Lé Jèrriais est la langue minnoritaithe officielle dé Jèrri. Ch'est ieune des langues d'oïl, auve lé Nouormand, l'Dgèrnésiais, l'Picard, l'Gallo et l'Ouallon, tchi veinnent du Latîn - tout coumme lé Français, l'Italien, lé Portûndgais, lé Catalan et d'aut's langues. Ichîn j'avons dans les quat' mille pages en Jèrriais qu'ou pouvez liéthe.

Tchi qui pâle lé Jèrriais aniet? S'lon lé récensement d'2001 y'avait 2,674 pèrsonnes tchi pâlent l'Jèrriais (3.2% d'la populâtion). Mais y'a pus à co dans les 15% d'la populâtion tch'en comprannent un mio. Achteu dans l's êcoles, j'avons dans les 200 mousses dans les clâsses du Jèrriais.

Y'a-t-i' ofûche d'la littéthatuthe? Nou dithait qué Wace 'tait l'fondateu et l'înspithâtion d'la littéthatuthe dé Jèrri. Mais j'avons eune longue tradition littéthaithe en Jèrriais d'pis la fîn du dgiêx-huitchième siècl'ye - sustout des poésies et d's histouaithes. Au dgiêx-neuvième siècl'ye l's auteurs d's Îles d'la Manche înspithîtent la r'naîssance littéthaithe en Nouormandie d'la Grand' Tèrre.

Où'est qu'nou peut acater...? La boutique d'la Société Jersiaise est en lîngne, et vend des publyicâtions en Jèrriais: des livres, des CDs, et des dictionnaithes.

Coumme tchi ouï l'Jèrriais? Par les c'mîns, sus l'radio, ès rêunions d's associâtions - ou sus ches pages en clyiquant sus ch't' înmage: .

J'peux-t-i' d'mander acouo eune tchestchion? Y'a acouo d's înformâtions sus les pages d'la Section de la langue Jèrriaise (en Angliais et en Français) et siez L'Office du Jèrriais (en Angliais et Jèrriais), tch'a un bliogue étout. S'ou n'trouvez pon la rêponse sus ches pages, e-mailez au maître-pêtre (en Jèrriais, en Nouormand, en Français ou en Angliais).

Coumme tchi dêmuchi d'tchi? , ou viyiz les dreines pages.

La Fête Nouormande est la pus grande célébrâtion d'not' langue. J'atchilyînmes la Fête en Jèrri en 2002, en 2005 et en 2008. En 2011 la Fête èrvînt siez nous: Fête Nouormande 2011. En 2012 j'îthons en Dgèrnésy: 14-16 dé Septembre

TTD - Tchestchions tréjous d'mandées - FAQ
Lé Jèrriais? Tch'est qu'ch'est?	Lé Jèrriais est la langue minnoritaithe officielle dé Jèrri. Ch'est ieune des langues d'oïl, auve lé Nouormand, l'Dgèrnésiais, l'Picard, l'Gallo et l'Ouallon, tchi veinnent du Latîn - tout coumme lé Français, l'Italien, lé Portûndgais, lé Catalan et d'aut's langues. Ichîn j'avons dans les quat' mille pages en Jèrriais qu'ou pouvez liéthe.
Tchi qui pâle lé Jèrriais aniet?	S'lon lé récensement d'2001 y'avait 2,674 pèrsonnes tchi pâlent l'Jèrriais (3.2% d'la populâtion). Mais y'a pus à co dans les 15% d'la populâtion tch'en comprannent un mio. Achteu dans l's êcoles, j'avons dans les 200 mousses dans les clâsses du Jèrriais.
Y'a-t-i' ofûche d'la littéthatuthe?	Nou dithait qué Wace 'tait l'fondateu et l'înspithâtion d'la littéthatuthe dé Jèrri. Mais j'avons eune longue tradition littéthaithe en Jèrriais d'pis la fîn du dgiêx-huitchième siècl'ye - sustout des poésies et d's histouaithes. Au dgiêx-neuvième siècl'ye l's auteurs d's Îles d'la Manche înspithîtent la r'naîssance littéthaithe en Nouormandie d'la Grand' Tèrre.
Où'est qu'nou peut acater...?	La boutique d'la Société Jersiaise est en lîngne, et vend des publyicâtions en Jèrriais: des livres, des CDs, et des dictionnaithes.
Coumme tchi ouï l'Jèrriais?	Par les c'mîns, sus l'radio, ès rêunions d's associâtions - ou sus ches pages en clyiquant sus ch't' înmage: .
J'peux-t-i' d'mander acouo eune tchestchion?	Y'a acouo d's înformâtions sus les pages d'la Section de la langue Jèrriaise (en Angliais et en Français) et siez L'Office du Jèrriais (en Angliais et Jèrriais), tch'a un bliogue étout. S'ou n'trouvez pon la rêponse sus ches pages, e-mailez au maître-pêtre (en Jèrriais, en Nouormand, en Français ou en Angliais).
Coumme tchi dêmuchi d'tchi?	, ou viyiz les dreines pages.
	La Fête Nouormande est la pus grande célébrâtion d'not' langue. J'atchilyînmes la Fête en Jèrri en 2002, en 2005 et en 2008. En 2011 la Fête èrvînt siez nous: Fête Nouormande 2011. En 2012 j'îthons en Dgèrnésy: 14-16 dé Septembre