|
J'veindrai à té d'un co auprès mînniet, j'sonn'nai à t'n us, man dé sus tan bouton; lâque-mé m'sîlyi, dêcliéve-té auve ma clié; pouor eune fréluque jé s'sai tan liquefrion. J'veindrai auve té douochement au bord d'tan liet; dêboutonne-té et dêbouêque-mé d'abouon; lique-mé acouo, j'dêhal'lai man landget au va-et-veint du cagueva en tresson. J'veindrai en té, m'arroutant dans t'n allée et ma v'nue s'êtrueûl'la sus t'n êdrédon; j'prendrons ensembl'ye l'av'nue ès feurs d'enfé; atout ta chaûdgiéthe et man rouoge tîthon. J'èrvîns siez té pouor èrsonner à l'us; tu r'fus au liet épis n'y'eut pon d'èrfus. Geraint Jennings |
Viyiz étout: