Les Pages Jèrriaises

Sonnet

Véthe, jé sis malade - auve la bliâse au tchoeu;
et j'en sis soupé d'tout: histouaithes et gens;
et mes rêves veinnent couronnés dé dgiamants
et d'l'aleunmelle dé laîze d'un sâbre sanglieux;

et j'înmaginne - et ch'n'est pon du niolîn -
qu'j'ai un anchêtre Tatathe tch'èrgardait gare,
un peûle freûleux dé tchi j'héthite ma part
d'eune vent'tie d'mouothinne, d'eune sèm'thie de v'lîn.

Jé m'tais, j'haûte, et les muthâles lus êcrouôlent...
V'là l'ochéan d'tchi la blianche breue dêgôle.
Lé couochant êtrueûlé mouôle lé grannit

partoute la ville ès blius liefs et gardîns
flieuthis atout des bieaux copieaux d'jasmîn.
J'nos y freûlînmes, là-bas. Véthe-dgia! Nou m'tuit.


Nikolaï Goumilev
Vèrsion Jèrriaise dé Geraint Jennings

 

Viyiz étout:

 

Les Pages Jèrriaises