|
Vé-t-en m'entchéthaûder, ma belle chorchiéthe! Envyie-mé sait un baîsi sait des pouèrs! Enchorchèle-mé, ma malinne, ma néthe méthe! À ces sé, ch'est la Séthée ès Chorchièrs. Couors acanté mé au Betchet ès Cats; valse et vilanne auve mé aupi d'Rocque Bèr; bèrche-mé sait sus l'sabbat sait sus l'mat'nas; embraiche-mé, ch'est la Séthée ès Chorchièrs! Dêmêle-mé deux d'gouts d'pouaîson ou d'vèrre caûd; envitoue-mé d'vîn ou d'tes vièrs pouvièrs; sai ma douoche chorchiéthe - jé s'sai tan tchéthaûd. Charlote-mé, ch'est la Séthée ès Chorchièrs!
|
Viyiz étout: