|
La cocangne tchitte san pits dans tchi qu'les êfants droquent et veindra les tchilyi par les tchuyaux et coqs. Un vampithe robotique clianque hors dé san châté auve des rouaux et des clyiques et driss'sa souotre té. Eune blianche femme toute tatouée s'landre pouor té par la carre; oulle enfaûtôme la niet et s'envitoue ès bars. V'là un tueux en séthie à caltchuler sa happe; i' graie la mèrquéthie d'ses victînmes auve eune app'ye. Nou vait mus l'bélengi, achteu r'chèrgi d'pouvé; ch'est qu'i' marche à batt'tie abrévée du solé. Eune zombinne dé séraine tchi rîncliote et rouspète, voudrait dans sa bédaine du frais chèrvé d'chèrvette. |
Viyiz étout: