|
La blianche femme vole avaû les c'mîns et êffrédole les gens d'ichîn. La blianche femme vioûle et piâle au vent vif tchi dêhoule touos les r'vénants. La blianche femme fliotte entre les brantchettes tchi dansicottent en néthes stchelettes. La blianche femme flianque san lîncheu d'deu lé tou des branques dé fau et d'seu. La blianche femme frâse les néthes muthâles embliâsées d'hâs- -în et d'pale touâle. La blianche femme vaile - malîn lânfrais! - ch'est qu'ou dangèle, ch'est qu'ou mêfait. La blianche femme vil'ye dé d'dans sa carre sus l'chein tchi file, la cheinne tchi part. |
Viyiz étout: