|
Ou veindra, l'êmânue houîmpante, habilyie d'blianc, en quénotant amont la caramiéthe crotchue. Ou pâsse, eune pale ponserêsse enfaûtomant d'ahans à chu mînniet r'fraidgi, ou veindra, l'êmânue. Eune viède enteurtilyie, eune vielle entueûle tchi hueûle à droûler à la d'rive, pâssant les veîl'yes dé r'lié, les ortchies et pas d'âne, damnée à s'traûler seule – ou veindra en vârage, à nos vilyi la niet. Nos affits dêcouleuthent; ou nièrchit not' ilyie en nos encafotant: ch't' êmânue s'sa à fliot. Chutte blianche taque teurque les fis d'ches nièrcheurs êcliaithies: la fliaue flatchie fil'la avaû nos rêves vrénots.
|
Viyiz étout: