Souv'nir
A Jerry
|
Acouare un caoup, Vert coum un chaou, Après l'exécrâblle trav'saïe, Sus ta cauchie, D'crapauds farcie, Je r'prends du baté l'engàmbâïe. Mais v'là-t-i pas Qu'chaque feis qu'j'y vas Qu'pus p'tit de m's-amis j'trouve l'nombre; Yun tout seul erre Sus la grànd' terre, L'autre d'la fosse à trouvaï l'ombre. Yun est mariaï, L'autre aliénaï; L'prumier a tout chu qu'i peut faire D'gardaïr en vie Femme et mêgnie, Et l'frain n'counnîs rien sus la terre. Sen grànd' ami N'est à li, Biau qu'un temps fut qu'i n'aeut qu'l'idée. D'sa compengnie: Adi! l'envie: I' l'quitte et l'vé sàns deul ni juée. V'là coum che s'ra, Tandis qu'roûl'ra Chu monde au milli des pllanètes; Tant qu'yun arrive, L'autre à la drive S'en va là ouê qu'vont les coumètes. Dans l'Infini, Et tout est dit; L'absent vite êtou tout oubllie. Parmi la païne, L'pllaisir, la haïne, Et tout' les vanîtaïs d'la vie. Mais si jamais Sohier, Langlleis Ou Le Gros sortent d'ma mémouaire, Che s'ra qu'la ronde De chu bas monde Dans l'autre n'cont'ra point s'n-histouaire. |
- Poetry in Jersey
- Jêrry
- L'âne et les crapauds
- En Jêrry
- Guernsey Poetry in Jersey newspapers
- À George Métivier, le Poète Guernesiais
- A Jean Sullivan, Ecr., de Jersey en lisant sa pièce de poésie sur la mort de Hariet Guilbert