|
Contre vent et mathée, j'arriv'thai dans tan pot; quand j'criqu'téthai, tu m'atchil'las, et j's'sai hâvré et coumme la mathée monte, j'èrs'sai rentré à fliot. La dgêle tchi m'châque, tan cliapotais m'éthont câfré dé m'n amathage au lis, abrié entre tes tchiêsses, et j'm'èrliêthai au ras d'tes hanques d'eune belle boul'lie. Si j'monte coumme la mathée, ch'est qu'les louêmes sont jouôrêsses: un touffet d'geon, un nobl'ye êtché d'tan rose grannit. J'm'embèrquéthai en té: chèrge-mé don dans ta câle; qu'man soûffl'ye dé d'si rempl'ye ta mîsaine tchaque et qu'tu m'tcheinge, qu'man r'sîn lappe à tes heunes, qu'i' dêborde coumme tu m'pâle dé chein qu'tu f'thas dé man haut dg'ieau – s'tu veurs qu'j'y veinge.
|
Viyiz étout: