|
Par iou qu'i' nos emboulent, ches tchéthiots du dgiâbl'ye? Lus reues rouies grînchent, les bèrchottes braqu'tent, les êsseurs crient; par chu c'mîn înfèrna même les trébules en rouâbl'yent, et à la frouque j'sommes jotchulés à l'emboul'lie. Les bouais sont des vèrtes fliambes tchi bordent en trélûthant lé c'mîn pavé en pièrre à feu tch'êcliaque dé niet du feu tch'est êtrueûlé en êtînchelles duthant eune niétchie d'ma ensatchie 'chîn dans chu teunmb'sé. Lus chabots d'fé pilonnent, les dgiâbliotîns tchi vioûlent; d'eune ièrre j'boulons à la boule veue, tréjous ava. Ches tchéthiots du dgiâbl'ye, par iou qu'i' nos emboulent? Dans l'avanteu, siez l'Pid-Froutchi, lé piéthe d'affra.
|
Viyiz étout: