Les Pages Jèrriaises

Les vailes copent l'horizon

Les vailes copent l'horizon; ch'est l'bliu sus l'bliu;
lé solé picote les louêmes dans la baie;
nou-s'en gouôte la douocheu; nou gouôte lé su;
lé grannit et l'sablion contre lé turtchais.

Véthe, ch'est l'solé tch'învite à dgéthoter;
les mâts craûlent, les batchieaux à cahuchi;
nou couort, nou pédale, nou-s'est à s'traûler;
nou-s'est bein sèrvi à l'yi et au dé.

Les batchieaux trique-pâssent sus les louêmes d'aniet;
nou pense ès batchieaux du temps du Vièr Fort;
les bielles et mémouaithes coumme les vailes enfliées -
les mémouaithes à en pédaler, en couôrre.

Geraint Jennings
15/4/12

 

Viyiz étout:

 

Les Pages Jèrriaises