Mousieu l'Editeu, si vouos pliais, écoutais qu'eje vouos pâle deux mots, d'vant qu'ête fûsilly. J'en tremble déjà, j'en sis pon accouôtumé à ditai. Permettais me que j'essai en pouêssies ou en drims, j'en sé pon trop ben comme cu apelais chunna, enfin trejous ch'la m'soulage pus l'queu, ensa viyons.
|
Faut y dont qu'me Sam qu'èje meuthe, Comme un scelera sans crêpe. Jerri je suait pour té ben d'sheuthes, Ai pis t'ume sest en traître. Allons pîfres ait tambours sûfiais raide, Pour qu'les balles âge tout douochement, Car chais des pilles qui vouos laisses viaide Dans un itai moment. Si j'sis pour ête tithai, Qu'eje se d'qui comme y faut, I disent qu'le carqui maître Labey, S'y r'connais si an cas un mio. Armais le d'un pistoulait, Ai s'y ch'èque y manque feu, Y la p'tête bouan poignet, Qui m'assome du mus qui peu. Ah men Coronel qui savais fusilly, J'sis ty un objet a tisai d'sus R'gardez me, Sam qui vouos l'dit, Pus mainqui mor', j'nen peux pus. Tisais sian cas garçons ben drait, Lt. Coronel vouos donna d'ses balles, Pas des chennes qui sont d'fé, Mais d'itelles qu'a l'arsenal. J'lé vai un fais tisai ben raide, Sus l'mont près des roquettes, Ses balles touchais case sur l'herbe, Tout près d'ma vielle casquette Shouldeu, charge dans l'ouothelle, Me v'la mort j'en ouet pus rain d'autre, J'sis seux qu'jis sis, ouequais la pelle, Tout est fini pour les môtres.
|
La Voix des Îles 23/8/1873
Viyiz étout: