Les Pages Jèrriaises

Eune Caricatuthe d'la "Voix des Iles" 1873 - 1874

Hibou
 

 

Quand nou se promène dans l'Ile,
Dans aucun coin, n'importe you,
Sait en campagne ou sait en ville,
Nou zentend pâlé de Hibou:
Mais mé, j'ai l'ouozeille bain fine,
Et j'entends par san caquet;
Et je le vait bain par sa mine
Car Hibou, chest un perroquet.

Nou le vait bain par san plieumage;
Nou l'entend bain par chan qui dit;
Nou le comprend par son ramage;
Nou le sait par chan qu'il écrit.
A cafou j'izais à sa porte
Et trouvé san juqueux tout drait.
Mais vive un hibou de la sorte!
Car hibou chest un perroquet.

L'Anmin Flippe

 

Viyiz étout:

 

Les Pages Jèrriaises