Le Premi. - Je sommes ruinais!... Quest que je pouorrions bain fèze? ma caboche est en dêroute... J'ai la tête comme la chenne d'un linot... Depys diex ans, ils ont prins man gniolin pour pazole d'evangile... Mais agniet nos v'la comme des rats d'église... pas un liard dans not' cash box.

Le Deuxième. - Tait té! tait té! couesin! j't'en prie. - Attend quy sait ben hors. - Ergarde sa robe... oul est ocouore en dedans...

Le Traisième. - Ma robe! ma robe! ouvrais la porte! je ne voudrais pon laissy une seule chiquette de ma robe. - Il y à trop de louche la dessous...

L'Echo de Pentonville. - J'en ai ieu pour chinq ans mé!

L'Echo des Rues. - Justice! justice, pour tous! - y ne faut pon se précipitai... Jezon justice.