Laurence. - J'avais bouane chance pourtant. J'allais r'pouilly touos les pouores aviers de la ville; j'avions promins un paraplie à touos les chains qui vothaient pour mé et un parasol a lus femmes. Man grand pèze Abréham consentait au sacrifice de son p'tit fils, mais un tas de bachouards disent que je pâle pon le jerriais, ni le français, que je sis un moussieutin anglais. - Je les r'verrons pus tard.

Billey. - Je consentais à seringuy touos les voteurs et à lus en donné iune a chacun. - Et des boulaits pour toutes lus femmes et touos lus aviers - Je les erais touos droguis pour rain. le docteu Poucekraut devait m'aidy, et j'naizions, pus ieu besoin d'hôpita! chezé tait des mille et mille louis d'économie... y n'en ont pon voulu! y s'en r'pentizont... chest mé qui le dit.

Frank. - Aveque mes paraplies les pouores gens n'azaient pon ieu un d'gout de plie sus l'dos pour trais ans. man fiannait et man molleton lus ezait gardai la bedaine caude tout l'hivé. Enfin y'r penssont à mé et jessait la préchaine balle.

Cliem. - A mé le bâton, mes bouannes gens! ou zètes trop frais ponnus! attendais que les viers s'en aillent! pas de bétises, pas de boutique, je donnezai du bouan vin ès pouores gens, y n'ezont pon besoin des drogues à Billé ni du fiannai à Frank, le vin les rescauffe, ni des paraplies à Laurence. aveque du bouan vin, nou peu stanné de la plie. - A Mardi mes ainmins - à Mardi!