J'vis étout un nouvieau ciel et eune nouvelle tèrre, car lé preunmié ciel et la preunmié tèrre avaient dispathu et la mé n'tait pus.
Jé vis étout la Sainte Cité, lé nouvieau Jérusalem, tchi d'cendait du ciel, d'auprès Dgieu, prête comme eune nouvelle mathié ornée pouor sén homme.
Et j'ouïs eune forte vouaix tchi v'nait du trône et tchi disait: "Ev'chîn lé Tabèrnacl'ye dé Dgieu au mitan des hommes! I' viv'tha avec ieux et i' s'ront san peupl'ye. Dgieu li-même s'ra avec ieux.
Il êssuitha toute lèrme dé lus yeux; la mort né s'ra pus et i' n'y étha pus d'deu, ni cri, ni souffrance, car les preunmié choses éthont dispathu."
Lé sien tchi 'tait assis sus l'Trône dit: "J'm'en vais èrnouv'ler toutes choses," et ajouôtit: "Êcris, car mes patholes sont cèrtaines et véthitabl'yes."
I' m'dit dé pus: "Ch'est fait! J'sis l'Alpha et l'Oméga – lé c'menchement et la fîn. Au sien tch'a sé, jé donn'nai gratuitement dé la source dé l'ieau dé la vie.
Lé sien tch'a vaîntchu, héthit'ta ches choses et jé s'sai san Dgieu et i' s'ra man Fis."
Viyiz étout: