La prononciâtion du Jèrriais

lettre	explyicâtion	exempl'yes

a	coumme a en Français	Avri, un baté
â	long coumme a en Angliais 'father'	nânnîn, châté
an	coumme an en Français à la fîn d'un mot	man vyi, blianc, Sanm'di, Manman
b	coumme b en Français ou en Angliais	bliu, un baté
c	d'vant e, i, y - coumme c en Français et s en Angliais d'vant des consonnes, a, o, u et parfais ' - coumme c en Français et k en Angliais 'kit'	ciel, à ces sé, eune vacance cârotte, lé c'mîn d'fé, couté
ç	coumme s (dans des mots empruntés)	Français, Françouais
ch	coumme ch en Français ou sh en Angliais	fache, châté, ch't homme-chîn
d	coumme d en Français et en Angliais	driéthe, Dézembre
dg	coumme j en Angliais 'job'	dgix, modgie, Dgilliaume, lé dgiâbl'ye
é	coumme é en Français (mais pus ouvèrt) et a en Angliais 'acres'	espé, la mé, un baté, et té?
ê	long coumme ai en Angliais 'air'	êfant, eune boête, un pêtcheux, l'Êté, Mêfi'-ous!
è	coumme è en Français (mais pus ouvèrt) et e en Angliais 'when'	Jèrri, vèrt, nièr, les fèrmièrs
eu	coumme eu en Français (mais pus ouvèrt) et u en Angliais 'up'	deux, eune beusse, un tchoeu, achteu, malheutheux
f	coumme f en Français et en Angliais	Févri
g	d'vant e, i, y ou parfais ' - coumme g en Français et s en Angliais 'pleasure' d'vant des consonnes, a, o, u ou parfais ' - coumme g en Français et g en Angliais 'get'	g'nouors, mênagi, rouoge, la g'lée gambe, frigo, un galant, la bague dé neuches, Grouville, g'linne
gn	coumme gn en Français et n en Angliais 'onion'	ouongnon, un pangni
h	coumme h en Angliais excepté dans cèrtains mots	happer, du housse
i	coumme i en Français - mais court	Grouville, lé picot, Ph'lippe
î	long coumme ee en Angliais	La Reine Lîzabé II, la tchuîsinne, ch't' île
în	long et nasalisé	înmage, chîn, tchînze, né v'chîn
j	coumme j en Français et s en Angliais 'pleasure'	Jèrri, j'avons des j'vaux
k	coumme k en Angliais	kilo
l	coumme l en Français et en Angliais	lé laitchi
li	coumme y en Angliais 'young'	liet, pliant'tie, cliavé, blianc, Saint Cliément, S'i' t'pliaît
ly	coumme y en Angliais 'young'	St. Hélyi, I' tchait d'la plyie
l'y	auprès eune vouaiyelle: coumme l en Angliais 'will'	la Fanmil'ye Rouoyale, la p'tite-fil'ye
l'y	auprès eune consonne: coumme y en Angliais 'will you'	rîsibl'ye, L'amour est aveugl'ye, lé dgiâbl'ye, l'oncl'ye
m	coumme m en Français et en Angliais	malheutheux
n	coumme n en Français et en Angliais	né v'chîn
o	coumme o en Français	un mio, un fricot
on	coumme ou en Français et oo en Angliais à la fîn d'un mot (mais un mio nasalisé)	maîson, ouongnon
ou	coumme ou en Français et oo en Angliais - foot, soot:	dou, pouque
	d'vant eune vouaiyelle coumme w en Angliais	ouadgîn, ouongnon, pouothé, adouother, Saint Ouën, la couôsinne, les tchians ouassent
ô	long coumme o en Angliais 'go'	un ôti, lé couôsîn;
p	coumme p en Français et en Angliais	patate
qu	coumme k en Angliais	quat', pouque
r	coumme r en Êcossais, mais coumme en Angliais auprès t, p, c, g	rithe trais
s	coumme s en Français et en Angliais	= s: siez mé, s'mathier = z: un présent d'Noué, baîsi
t	coumme t en Français et en Angliais	trais
tch	coumme tch en Français 'match' et ch en Angliais	Tchi pitchi!, tchînze, un tchèrpentchi
th	coumme th en Angliais 'though'	ithangnie, adouother, la néthe méthe, malheutheux
u	coumme u en Français	sus, muchi
û	long coumme ue en Angliais 'queue'	Ûrope
v	coumme v en Français et en Angliais	vèrt
x	coumme z en Français et en Angliais coumme x en Français et en Angliais	souaixante Extchûthez-mé!
y	coumme y en Angliais	yi, man vyi, Séyiz les beinv'nus à Jèrri!
ŷ	long coumme ee en Angliais (= î)	phŷsique
ŷn	long et nasalisé (= în)	cŷngne
z	coumme z en Français et en Angliais	Dézembre

Parfais un consonne est doublié: t't, d'd, s's, ch'ch, l'l, n'n, g'g, th'th, r'r.

Ch'est don prononcé long ou doubl'ye. Exempl'yes: la mênag'gie, jé c'mench'chons, la batt'tie, la Sonn'nie des Clioches.

L'apostrophe à la fîn des mots veurt dithe qu'nou-s'a à prononchi la dreine lettre. Exempl'yes: mett', êt', êt' souos un même bonnet, f'nêt', niet' et jeu, l'aut' sé, acater cat' en pouque, Tch'est qu'est vot' nom?. Et chenna s'adonne étout dans des mots quand nou-s'a à prononchi la lettre dé d'vant. Exempl'yes: ban'se, d'ganner, clob'thie, fôss'lée, un Chent'nyi, maqu'sé.

Les vièrs textes

Dans les vièrs textes (avant l'êcrithie du Glossaithe ou du Dictionnaithe) nou trouve d'aut's mouoyens d'êcrithe lé Jèrriais.

Né v'chîn tchiques mouoyens qu'les vièrs auteurs ont fait sèrvi pouor èrprésenter lé Jèrriais:

vyi	modèrne

ai	ê
as	â
dj	dg
es	ê
g	j
gh	dg
gu	dg
li	yi
ll	ly
q	tch
sç	s's
sch	ch
sh	ch
tq	tch
ua	oua
uo	ouo
w	ou
z	th
zh	th