Elie, à ses lecteurs, ne pouorrait pon
S'empêchi d'dithe à chutte saison
Un bouan Noué!
Es jannes amins, es vièrs ètou,
Elie lus dit, - à tous d'un coup -
Un bouan Noué!
Es siens à tchi qui n'manquent pas d'bouans herpins
Coumme es siens qui r'abillent nos qu'mins
Un bouan Noué!
En santè, ou enchiffrènès
Bouans garçons ou mauvais sujets
Un bouan Noué!
I' n'a pon l'temps d'écrithe grand'chose
Et d'même ne f'chin l'toast qu'i' propose
Un bouan Noué!
Elie
1911
Viyiz étout: