|
Nou fait un pas, deux pas, trais pas, et nou s'mâte coumme un êpeûthas. Nou marche douochement, nou dêgabathe et nou laîsse tout à la vaûbathe. Nou paûque un dé, nou paûque san nez, nou n'sait pon sus tchi pid danser. Nou cache, nou cahuche, nou capuche par chu bord et par l'aut', ofûche. Nou touônne et ratouônne deux fais d'siette; nou fait des teurts coumme eune vithouette. Nou saûticote sus châque dgéthet au Nord, au Sud, à l'Êst, au Vouêt. Nou drisse et droque à dgi l'adèrt; nou trébuque et nou tchait à tèrre. Geraint Jennings |
Viyiz étout: