|
Nou fait d'san mus d'la faithe avanchi, mais ou veurt tout sîmpliément rester; i' faut paître là où'est qu'nou-s'est fitchi. Ch'est chou! et la bête né bouoge, ma fé! Ou n'bouog'gea pon, mais coumme un baîni restétha à san rotchi cliutée, ou, pus à co, fèrme coumme chu rotchi. Ch'est chou! et la bête né bouoge, ma fé! I' n'y'a pon mouoyen d'la faithe bouogi; véthe, oulle est têtouongne coumme un choutchet, chette-chîn n's'en va pon changi d'avis. Ch'est chou! et la bête né bouoge, ma fé! Mais y'en a tchi sont d'un aut' esprit, et y'en a tchi sont mus avisés - par eune cliamûthe ou un bouôn co d'pid. Ch'est chou! et la bête né bouoge, ma fé! Nou li'offre ofûche des gâchinn'nies, ou nou m'niche atout eune lache du fouet; mus vaut laîssi tchaie et y r'nonchi. Ch'est chou! et la bête né bouoge, ma fé! Geraint Jennings |
Viyiz étout: