marchi

i' marche

Ch'est vraînment un pliaîsi d'marchi lé long des c'mîns dé Jèrri. Ouaithe qué j'n'avons pon hardi dé trottouaithes à la campangne, y'a des sentes sus les falaises, et y'a étout les "Vèrtes Ruettes" (en Angliais - "Green Lanes") oùest qu'les motos daivent cachi à mains qu'tchînze milles à l'heuthe et la priorité est ès piêtons et ès cheins tchi vont à j'va ou à bike.  

couôrre

i' couort

Nou peut couôrre 'chîn' et là, et nou peut couôrre lé monde, tchi veurt dithe qu'nou viage. Mais couôrre les femmes est eune chose tch'i' n'faut pon encouothagi! Et i' n'est pon bouôn d'couôrre les risques ni d'couôrre tchitch'un à bas nitout.  

tchaie

i' tchait

I' tchait d'la plyie, i' tchait d'la né et i' tchait d'la grile. La niet tchait, étout. S'nou dort trop tard lé matîn, nou dit qu'nou tchait sus sa fache. Les fielles tchaient au s'tembre, et nou tchait malade.  

sauter

i' saute

Nou saute dé jouaie ou nou fait tchitch'un sauter d'peux. Nou saute coumme un critchet ou coumme un bichot  

nagi

i' nage

S'nou-s'est bouôn nageux, nou peut dithe qu'nou nage coumme un paîsson, ou bein qu'nou nage coumme un cannard.  

codpîser

i' codpîse la balle

Quand tchi qu'nou joue lé football, i' faut codpîser la balle pouor mèrtchi un "goal". J'espéthons châque année qu'not' êtchipe dé Jèrri s'en va battre les Dgèrnésiais dans l'Muratti.  

faithe du ski

i' fait du ski

Nou n'peut pon faithe du ski en Jèrri. J'n'avons pon d'montangnes et i' n'tchait pon d'né en génétha.  

cachi un moto

i' cache un moto

Y'a trop d'motos par les c'mîns en Jèrri, mais viyant qué j'n'avons pon un sèrvice d'beusse tch'est bouôn assez, un tas d'gens disent tch'i' sont oblyigis d'cachi un moto.