|
La Mort! - La dreine Vallée atout ses ombres, Et chu grand Calme, la Niet si sombre! Lé Corps n'est pus, La fin est v'nue - La Mort ! La Mort ! - Si laie et âffreûse d'appathence, Chut êpeûthas sans révéthence ! L'appel beintôt Du Chein d'Là-haut - La Mort! La Mort ? - Bieau qu' Tout sait nièr, et en ténèbres, Au mains lé Corps essa en r'pos ! Véthe, l'Esprit dort; Ch'n'est qu' pouor lé temps - La Mort! La Mort ? - Ch'n'est qu' pouor lé temps, qué l'Us est clios ; La Niet s'en va - v'là l'Jour tchi s'mouontre ! Et, tout à co L'Esprit s'rêvil'ye - La Lueu ! La Lueu! - La néthe Vallée, la v'là pâssée, La bliâse est horte - i' fait bieau cliai ! Ch'n'est dgéthe la Fin, Ch'est l' C'menchement d'Tout - La Vie ! La Vie! - Né v'chîn l'aut' Porte, la Vie est là, La Rêcompense - v'là la Victouaithe ! L'Êtèrnité, Et pis la Glouaithe - La Vie !
L.M. |
Viyiz étout: