Moussieu l'Rédacteu
Ne v'chîn les rêponses à châtcheuné des trente dévinnâles qué j'vouos donnis dans dans ma lettre la s'maine pâssée:-
1. D'la feunmée.
2. Lé fossé.
3. Eune pie.
4. Des soûffliets.
5. Car i' n'peut pon r'garder l'travèrs!
6. Un oeu en d'dans d'eune cannotte.
7. Eune pomme.
8. Eune hèrche.
9. Un oeu.
10. Un traie à laver.
11. A t'rêpondre quand tu n'mé dis rein !
12. Eune fielle.
13. Eune tchênelle dans un tchêne. Ou tchit sus un quétot tchi dormait et ch'tî-chîn la mangit.
14. Dgiex dés et chinq ortés quand nou met eune cauche!
15. Un nid d'souothis dans l'ouothelle d'un cat!
16. Lé balanchi d'l'hôlouoge (ou eune porte).
17. D'la soupe faite atout des couêpieaux!
18. Eune êtchelle.
19. Un baté.
20. Eune souothis.
21. Les aubes d'un moulîn.
22. Un cliou dans eune sémelle.
23. Deux bouans dînnièrs.
24. Eune catte - ou un aut' cat.
25. San cocher.
26. Un crâsset (ou eune lampe à mèche).
27. Un sillot. Lé son du gíndas fait la rithie et les plieurs ou lèrmes sont les d'goûts dg'ieau quand l'sillot r'veint du fond du pits.
28. Châtchi d'main!
29. Eune adgulle à couôtre.
30. Ieune - s'oulle tait longue assez!
J'espéthe qu' ou-s-avez ieu du pliaîsi à èprouver à les d'vinner, et qu'en les d'vinnant ou-s-avez dêcouvèrt lestchés d'entre vous tchi sont bouans à d'vinner. Dans les vièrs temps - et j'pâle dé y'a huiptante ans - j'm'èrsouveins d'aver pâssé d'bouannes séthées auve Papa et Manman au pid du feu au sé à êprouver à en d'vinner. I' sont vielles, ou viyiz, ches d'vinnâles dé nouot' petit Jèrri, et i' valent la peine d'èrcorder car i' sont des brédelles et mios d'nouot' chièr Jèrri comme nouos l'dit l'Docteu Frainque Le Maistre au sujet des ditons tchi sont r'cordés dans les Bulletîns d'Quart d'An d'L'Assembliée d'Jèrriais.
N'en r'véchîn acouo tchitch'eunes mais chutte fais j'm'en vais vous donner les rêponses étout en même temps:-
31. Jé sis rond, j'n'ai ni haut ni fond - Eune bague.
32. Tch'est qu'a la corde au co, et tchi va comme un fo? - Un rouet, ou un gîndas, l'gîndas d'un pits.
33. Tch'est tchi monte au ciel sans ailes et sans êtchelle? - La feunmée.
34. Tch'est tchi va à l'entou du clios, auve sa maison sus san dos? - Un colînmachon.
35. Tch'est qu'est la seule partie d'un couochon qu'nou n'peut pon sauver? - San cri.
36. Quatre marchants, quatre triants, deux oëttes, et eune misticouette? - Eune vaque.
37. Oùest qu' tu'as trouvé ta main quand tu t'es rèvilyi à matîn? Au but d'tan bras!
38. Tch'est qu'était l'nom d'la femme à Ponce Pilate? - Missis Ponce Pilate !
39. Tch'est tchi r'sembl'ye l'pus à un us à maintchi ouvèrt? - Un us à maintchi freunmé.
40. Lé ciel en a iun, lé Bouan Dgieu n'en a pas, les filles en ont deux, mais les femmes n'en ont pas? - La lettre l.
Y'en a acouo bein d'autres, mais n'en v'la assez pour à ch't heu.
George d'La Forge
Viyiz étout: